Петар Печков

Објавено: недела, 28 септември 2014 1066 250

 Екипата на Мрена од Крива Паланка се покажа како најдобар риболовец на купот ,,Ласка,, кој го организираше Здружението на спортски риболовци ,,Бабуна од Велес. Со учество на 13 екипи, две од странство Косово и Србија,  целосен триумф на кривопаланчани.

Поединечно  Горан Тонев беше најдобар, пред Емил Додев и Сашко Велковски. Разбирливо што и екипно  Мрена од Крива Паланка победи пред Кркушка  и Бабуна и двете од Велес.

Овој турнир по подолги години се одржа на реката Вардар, на локација под Железен Мост. Сите риби кои беа уловени, беа и вратени во реката.  Високото ниво на реката Вардар како и матежот не беа поволни за подобар улов. Се ловеа еѓупка,  скобал и кркушка.

Се ловеше штафетно секој  од трите члена ан екипата имаше на располагање 75 минути. Овој турнир се одржува од 1980-та година. Учествуваа екипите на Пчиња и  Магна од Куманово,  Пец-пец Прилеп,  Крап  Радовиш,  Оскар  Кавадарци, Металург, Бабуна 1 и 2 и Кркуша од Велес, Црна Река  Битола, Мрена Крива Паланка,  Јужна Морава Врање и Ас од Приштина.