Петар Печков

Објавено: среда, 22 јули 2020 4004 148

МВР информираше дека СВР Велес поднело кривична пријава против М.А.(23) од Велес, поради постоење основи на сомнение за сторено кривично дело „непостапување според здравствените прописи за време на епидемија“.

Пријавениот, без дозвола и без оправдана причина за итност бил затекнат надвор од својот домот и не се придржувал кон воведената мерка „забрана на движење на подрачјето на РС Македонија“, со цел спречување на ширење на заразната болест ковид-19 и заштита на населението- пишува во соопштението до МВР.

За изминатите два дена во Велес казнети 69 лица поради не носење на заштитна маска, соопшти полицијата.

Според портпарол на СВР Велес, Верољуб Додевски, во понеделникот  биле констатирани  34 прекршока,во вторникот, вчера 35 .

Овие граѓани не ја почитувале  Уредбата на Владата за задолжително носење на заштитни маски.

Казната за непочитувањето е 20 евра во денарска противвредност, или ако се плати во рок од осум дена е 10 евра или 620 денари.