Петар Печков
Објавено: среда, 18 октомври 2023
СВР Велес до ОЈО Велс поднесе кривична пријава за правно лице до Неготино оти вршело ископ на песок од Вардар иако дозволата му истекла и против велешанец кој како контрола на работењето на фирмата, дозволил таа да работи нелегално.
„Отсекот за економски криминал при СВР Велес поднесе кривична пријава против правно лице од Неготино и против К.Г. (53 год) од Велес, одговорно лице од Водостопанство за контрола на работењето на правното лице, поради постоење основи на сомнение за сторено кривично дело „несовесно работење во службата“ по член 353-в од Кривичниот законик. На 17.10.2023, полициски службеници од Отсекот за економски криминал извршиле контрола во правното лице во Неготино, кое врши ископ на песок, при што било констатирано несовесно работење од К.Г., односно по истекот на важноста на дозволата за вршење на ископ на 05.10.2023 и без никакво одобрување или дозвола од Министерството за животна средина, правното лице продолжило со активноста на ископ на песок на речното корито во Неготино, на место викано „Илкова лака““ - информира Биљана Ѓаковска, портпарол на СВР Велес.
| Tweet |
