Петар Печков

Објавено: четврток, 03 јануари 2019 2617 196

МВР Информираше дека Секторот за внатрешни работи Велес поднел кривична пријава против четворица  велешани, за две кривични дела, поврзани со поседување хероин.

Против А.Д.(35) од Велес е поднесена  за сторено кривично дело „неовластено производство и пуштање во промет на наркотични дроги”, против А.М.(35) од Велес за сторени кривични дела „неовластено производство и пуштање во промет на наркотични дроги” и “овозможување на употреба на наркотични дроги”, и против Д.Р.(30) и Б.З.(29), двајцата од Велес за сторено кривично дело „неовластено производство и пуштање во промет на наркотични дроги”.

Четирите лица   на 7 декември лани, година во Велес на улица “Стефан Богоев”, од страна на полициски службеници, при претрес кај пријавените биле пронајдени хероин, како и мешавина од кофеин, парацетамол и хероин, и кеса и фолија со остатоци од хероин. Полицијата не соопштува колкаво количество хероин е пронајдено кај овие лица.