Петар Печков
Објавено: среда, 11 јуни 2014
Велешката поп група Ла Манш во средината на мај го сними нивниот минатогодишен хит Бонаца во дует со Дражен Жериќ Жера пејачот на Црвена Јабука. Песната е снимена во студиото Анастасија во Скопје, автор е Роберто Панчевски, текстот на сплиќанецот Томислав Бузов, аранжманот на Роберт Трајков.
Истата веќе е промовирана во Далмација каде се врти по тамошните радио станици, додека македонската промоција ќе биде заедно со промоцијата на спотот кој кон крајот на месецов ќе се снима во Сплит во продукција на студио Тулип.
Најавена е и нова песна која наскоро ќе се сними на македонски заедно со Жера. Со оваа песна Ла Манш конкурираа лани на престижниот Сплитски фестивал но не стигнаа во завршницата. Но затоа песната беше голем летен хит во Македонија.
| Tweet |
