Петар Печков

Објавено: четврток, 17 јули 2014 1992 300

При снимањето на спотот за песната ,,Бонаца,, во Сплит  дојде до нов момент во велешкиот поп состав.  Авторот на текстот за оваа песна Хрватот Томислав Бузов е промовиран во нов пејач.  Така тој е новиот петти член, информираа од групата.  

Ла Манш на почетокот на месецов го снимаше спотот за песната „Бонаца“ во Сплит и околината. Спотот е дело на  „Tulip pro“ и ТВ Канал 21. Сценариото, камерата и монтажата на спотот се на Данчо Стефков.

Во спотот се појавува една од најперспективните млади модели во Хрватска, Паула Буљан, а за шминката беше задолжена една од најдобрите make-up артисти во Хрватска, Маја Баниќ. Спотот се очекува својата премиера да ја доживее на крајот на месец јули.

Инаку, „Бонаца“ е дует на македонскиот бенд и фронтменот на легендарната „Црвена Јабука“ - Дражен Жериќ - Жера. Снимена е во скопското студио „Анастасија“. Музиката е на Роберто Панчевски, аранжманот го направи Роберт Трајков, а текстот е на сплиќанецот Томислав Бузов.