Петар Печков

Објавено: петок, 01 јули 2011 1366 394

  АД Жито Вардар ја намали цената на лебот  од  25 на 22 денари, а од сабота таа ќе изнесува 20 денари. Намалувањето на цената нема да ја намали и тежината на лебот, кој и натаму ќесе продава од половина килограм, најавија од раководството на друштвото. Причина за пониската цена од 20 отсто,  е конкуренцијата од помалите пекарници.

На овој чекор на намалување на цената на лебот е со цел да бидеме конкурентни на пазарот. Ако помалите пекари го продаваат по 20 денари и ние ќе  го продаваме по таа цена. Како тие ќе ја симнуваат цената на векната и ние ќе го сториме истото. Ако го даваат за џабе и нашиот леб ќе биде бадијата – изјави Ристо Ташев директор на АД Жито Вардар. Ова друштво  е најголемиот производител на леб во велешко со 20 илјади парчиња леб дневно, кое ги снабдува и соседните општини Чашка и Градско.

По оваа цена до 25 денари, лебот во велешко се продаваше од 7-ми март. И натаму во оптек остануваат социјалните картички на АД Жито Вардар, со кој граѓаните од ранливите категории ќе можат да купуваат брашно, јајца, месо по намалени цени до 25 отсто, додека лебот е по цена за сите купувачи 22 денес односно 20  денари од утре.