Петар Печков

Објавено: вторник, 10 март 2020 627 134

Во текот на вчерашниот ден, Македонски Железници  Транспорт АД-СКОПЈЕ, се приклучи на иницијативата за спречување на ширењето на вирусот Ковид-19 познат како Корона вирус.  Откако Владата донесе мерки за превенција од вирусот за заштита на јавното здравје и здравјето на граѓаните, дезинфицирани се патничките возови кои се во сообраќај.

Специјализиран тим  во понеделникот ги дезинфицираше возовите што моментно се во оптек. Тоа се четирите гарнитури и четирите вагони кои превезуваат патници на различни релации  - соопштија од МЖ Транспорт. 

Превентивната акција  за дезинфекција против ширењето на овој вирус,  потенцираат од МЖ Транспорт ќе се повтори  доколку се јави потреба.