Петар Печков
Објавено: среда, 13 ноември 2019
Велешка Маслодајна година откупи три пати повеќе сончоглед од домашното производство, споредено со минатата година. Ова е резултат на кампањата која минатата година и пролетва се водеше со земјоделците за враќањето на оваа култура по македонските полиња. Откупеното количество од оваа индустриска култура е најголема последните десетина години, кога се бележеше континуирано опаѓање.
Лани откупивме 2 300 тони, годинава со договорното производство имаме околу 7 илјади тони сончоглед од домашно производство. Задоволни сме од откупот, заштедивме девизи за увоз, а не охрабрија и земјоделците со желбата да сеат и полека да го враќаме сончогледот на македонските ниви – изјави Горанчо Лазов, генерален директор на АД „Благој Ѓорев”.
Земјоделците се задоволни од соработката со откупувачот „Благој Ѓорев” за која велат дека била коректна и согласно договорот.
Годинава имавме зголемен интерес за сеење на сончоглед поради сигурниот пласман но и зголемените субвенции од страна на државата која ни излезе во пресрет на нашите барања. Уште малку повеќе да не послужеше времето, годинава ќе имавме рекордни приноси – вели Никола Петковски, претседател на Асоцијацијата на производители на сончоглед.
| Tweet |
