Петар Печков

Објавено: вторник, 24 октомври 2017 1650 250

Победничката серија за футсал екипата на Велес во Првата лига продолжува. Во саботата во салата Гемиџии велешани, иако со променет  состав од лани, уверливо со 7:1 го победија СЕЕУ Тетово. 

Во Супер лигата ракометарите на Борец на гостувањето во Битола, загубија од помладиот тамошен лигаш Работник  Еурофарм со 31:24 ( 15:13).  Борец повеле во првите десетина минути до 5:6  за потоа домаќините поведуваат  и со водство од 2-3 гола било се до  финишот на вторите 30 минути, кога битолчани прават серија  и водат со 28:20 со што е решен победникот.  Најефикасен во редовите на  Борец е Илиев со 7 додека  Мајнов со 9 кај Работник. По ова шесто  коло ГРК Борец е петти со 7 бода. Следи пауза во првенството а продолжува на 4-ти ноември, кога Борец дома го пречекува Охрид, кој е сосед на велешани со ист број бодови.  

Во Градскиот парк во Велес се одржа 21-то  Државно првенство на поштари  во брзо одење. Учествуваa 38 во машка и 9 во женска конкуренција, доставувачи и шалтерски работници.  Мажите одеа 10 км а жените 5 км.   Кај мажите победи велешанецот Трајче Михов со  49.20,   пред Виктор Толевски исто  така од Велес со  50,50 и Алберт Садиковски од Битола со  51.40. Кај жените победи  Татјана Ѓурчиновска од Кичево  со време 31мин 10сек.  Таа  е победник на сите досегашни првенства.  Организатор беше синдикатот на ЈП Македонски пошти – Велес.   

Се одигра 8-то коло од Третата лига Центар. За велешките екипи две победи и  пораз.  ФК Превалец со убедливи 5:1 го победи ниско пласираниот тим на Габер.    ФК Бабуна во соседското дерби  со  1:0 го победи ФК Питу Гули од Крушево.   Илинден од Башино село на гостувањето   кај лидерот    Вардар во Неготино  е поразен со   4:0.   По ова коло Бабуна  останува втор а   Превалец трет со 18 односно 16 бода, водечкиот  Вардар има   22.  Илинден БС е претпоследен  13-ти  со  само три бода. Во следното коло    Илинден БС го пречекува Партизан кој е 4-ти со 16 бода, Бабуна гостува на Марена која е 6-та со 14 бодови  а  Превалец на  Напредок во Крушеане кој е 12-ти со  4 бода.

Се одигра петтото  коло од Општинска фудбалска лига. Во дербито за врвот, лидерот  ФК Тополка го ,, растури,, второпласираниот Мартолци со  5:0. 

ФК ТОПОЛКА - ФК МАРТОЛЦИ              5:0
ФК ГОРСКИ - ФК СОГЛЕ                        5:1
ФК Интернационал - ФК БАШКИМИ    1:7
ФК МЛАДОСТ - ФК ФОРЦА НОВА          2:0
 
                   Т  А  Б  Е  Л  А
1. ФК ТОПОЛКА                   5   5  0   0  22:  4    15
2. ФК МАРТОЛЦИ 2007        5   3  1  1  15: 12   10
3. ФК БАШКИМИ 2008         5   3  0  2  12:   5      9
4. ФК Интернационал         5   1  3  1  11: 15     6
5. ФК ГОРСКИ                      5   1  2  2   6:  5       5
6. ФК ФОРЦА НОВА              4   1  1  2   6:  8       4
7. ФК МЛАДОСТ                    5   1  1  3   3: 9        4
8. ФК СОГЛЕ                         4   0  0  4  7 :24      0

Во следното коло играат:
Велес    ФК МАРТОЛЦИ 2007 - ФК ФОРЦА НОВА   
Велес    ФК БАШКИМИ 2008 - ФК МЛАДОСТ   
Чашка   ФК СОГЛЕ - ФК Интернационал   
Велес    ФК ТОПОЛКА - ФК ГОРСКИ