Петар Печков

Објавено: вторник, 08 ноември 2016 2089 276

Со цел да се искористи водениот потенцијал на планината Јакупица, близу селото  Горно Врановци, велешко се гради мини електрана.    

Тоа е инвестиција вредна 1,75 милиони евра. Електраната е на Врановска река  и нејзината изведба е во завршна фаза.  Водата од оваа река засега се користи од водената акумулација Лисиче, но само за наводнување.    

Инвеститор е фирмата МХЕ Тополки. Се градат паралелно машинската куќичка, цевководот и зафатот за вода. Истовремено се произведува и опремата турбината, генераторот, средно напонската електрика, автоматика и управувањето.    Електраната има моќ од 800 КВ – изјави Кочо Анѓушев сопственик на,, ЕДС,, едена од фирмите во чија сопственост е МХЕ Тополки  која заедно со ,,Хидро Холдинг,, се инвеститори на  хидро -електраната.

Изведувач на градежните работи е фирмата ,,Гранит,,.  Значајно е што опрема се произведува во велешката Машинска индустрија ,,Брако,,. 

Автоматиката и електрониката се произведуваат по проекти на инженери од ,,Брако,,. Машинскиот дел од опремата се произведува во ,,Брако,, во Велес  – дополни Анѓушев.  

Освен оваа електрана на Врановска река, фирмата МХЕ Тополки  е во план да гради уште три. Тие би биле по течението на реката Тополка  и тоа на нејзиниот  тек  во горниот дел, од село Долно Јаболчиште па се до вливот во езерото Лисиче.