lj lkjl

Објавено: среда, 09 август 2006 641 335

Научниците од институтот Скрипс Рисрч дошле до заклучок дека во иднина од прекумерната тежина луѓето ќе можат да се ослободат со вакцина.

   Испитувањето е извршено на глувци така што новата вакцина го напаѓа хормонот што во желудникот предизвикува глад, го контролира апетитот и го спречува дебелеењето.

Ако тестирањето на луѓе ги покаже сличен успех, вакцината ќе може да го реши еден од најголемите здравствени проблеми на денешницата - дебелината.

   Гхрелинот неодамна е откриен и според истражувањата има голема улога во регулирањето на оброците. Нивото на гхрелин во крвотокот неколку часа пред секој оброк расте, а најголемо ниво достигнува непосредно пред конзумирање на храната. По јадење нивото на гхрелин опаѓа. За разлика од лептинот кој дејствува како долгорочен модулатор на јадењето, гхрелинот дејствува краткорочно и влијае на секојдневното чувство на глад.