Петар Печков

Објавено: среда, 26 декември 2018 993 201

Од денес започна со работа Дневен центар за стари лица во населбата Извор, Општина Чашка. Во неа на 50 метри квадратни можат да се дружат и го минат слободното време стотина возрасни лица од ова населба.  

Социјалната реформа која ја спроведуваме не се однесува само на зголемување на паричните средства  на граѓаните кои се во социјален ризик и сиромаштија, туку и воспоставување на системи за социјални услуги  кои треба да ги има во секое населено место. Вакви услови не се само за социјализација, туку и за унапредување на условите на живот на старите лица - рече министерката за труд и социјала  Мила Царовска. 

За изградба и опремување на центарот инвестирани се околу еден милион денари.  Од следната година,  во овој Центар ќе започне и дистрибуција на храна за старите лица и социјалните случаи од Извор и околните села. 

Освен во Извор, вакви Дневни центри во Општина Чашка има и во Богомила и  Чашка.  До година планираме во Горно или Долно Јаболчиште.  Да потсетам претходно отворивме дневен центар за млади и деца со што на жителите од ова населено место им нудиме можност каде да го минат слободеното време - кажа градоначалникот Горан Стојановски.