Петар Печков

Објавено: понеделник, 26 февруари 2024 1757 6

Во неделата попладне,  25 февруари,  во периодот од 14 до 20 часот  на територијата на Општина Велес била спроведена акциска контрола, за санкционирање на возачи кои не ги почитуваат сообраќајните правила и прописи.

„При контролата санкционирани се 71 возач, од кои 22 за возење без возачка дозвола, шест санкции поради измината важност на сообраќајната дозвола, девет мерки за непрописно вградени фолии -затемнети стакла, пет санкции за возење под дејство на алкохол. На сите прекршители изготвени им се соодветни поднесоци“ - соопштија од МВР.

Оваа акциска контрола е реализирана од Секторот за сообраќајни работи при Одделот за униформирана полиција Биро за јавна безбедност и Мобилната единица за безбедност на сообраќајот на патиштата.

Од МВР апелираaт до сите учесници во сообраќајот да ги почитуваат сообраќајните правила и прописи и да придонесат за побезбедни патишта.

 фото МВР