Петар Печков

Објавено: петок, 29 декември 2017 2758 240

Советниците на последната седма седница усвоија одлука предложена од градоначалникот со која нема повеќе продавање на стока, емиш и зарзават од паркингот близу ,,Пармакот,, .   Престанокот  на важност на Одлуката за определување  на простор за продавање од возила беше донесена со гласови од позицијата, бидејќи опозицијата иако беше присутна а не гласаше, ниту дискутираше. 

Оваа одлука ја  предложив по барање на СВР но и повеќе надлежни инспекции и служби - УЈП, пазарна и трудова инспекција, сообраќајна, градежна, на состанок кој неодамна го имавме. Заеднички констатиравме дека, бидејќи корисниците на овој простор не се придржуваат  и не ги  почитуваат  одредбите на одлуката за работа. Продажба не се  врши на соодветен начин, по завршувањето на продавањето просторот не го враќаат во првобитна состојба. Или сметот од пиперки, зелки, патлиџани, во зависност  од сезоната не го чистаат. Затоа е подобро просторот  да се намени за   паркирање на  возилата  - изјави   Коцевски.    

Одлуката за продажба од возила  била донесена на седница на Советот  на    07.12.2004 година, и по 13 години престанува да  важи.   Коцески ја објасни и акцијата за отстранување на дивопоставените тезги на тротоарите во близина на Градските пазари и  на  Којник.  

Отстранувањето на дивите тезги го правиме од безбедносни причини. Тротоатите се наменети за пешаци а не за  стока која тука бесправно се продава.  Многу небезбедно е  граѓаните да  се движат по  лентите за сообраќај, со што го ризикуваат сопственото здравје. Ако некој биде повреден, општиана може да  биде тужена и да  плаќа високи штети.Како што секојдневно се плаќаат по судски  пресуди,  поради казнување на кучиња скитници, кои    каснуваат минувачи низ градот. Тезгите   на  Којник се отстранети поради безбедносни причини и за нормално одвивање на сообраќајот. Имавме и петиција од   граѓани  од Којник   - рече Коцески.

Од ЈКП Дервен информираа дека тезгите не плаќале никава давачка   од  2012-та година.