Петар Печков

Објавено: четврток, 12 септември 2013 929 275

Завршените велешки средношколци ретко се решија да го продолжат студирањето во родниот град. И по вториот круг има слободни места,  на факултетите кои работат во градов, нешто се потполни други не.  Празни места има на Техничко –технолошки и на Економски, другите или пополнети (Факултетот за туризам и угостителство и  Техничкиот факултет)  или празни  (Земјоделски факултет - винарство и лозарство ).

На Економски факултет  од Скопје  диспензирана настава во Велес  по сметководство и ревизија во вториот уписен рок примени се  седум студенти а во првиот уписен рок беа примени  19 редовни во државна квота. Или вкупно примени се 26 остануваат уште 14 слободни места.

Во вториот уписен рок на Факултетот за туризам и угостителство од Охрид во Велес на   диспензирана паралелка  хотелско ресторански менаџмент се запишале 21 бруцоши  и заедно со првиот уписен рок на овој Факултет нема  повеќе слободни места (ако сите примени и се запишат).

На Техничко –технолошкиот факултет кој има седиште во Велес во прва година на  нутриционизам  примени во вториот уписен рок се  8  а на биотехнологија примени се   7 студенти.   Претходно беа примени  23 редовни на нутиционизам и на  биотехнологија  3 редовни . И на двете насоки се примаа по 40  редовни студенти.

Во првиот уписен рок за бруцошите  се пополни   Техничкиот факултет од Битола  отсек информатика и компјутерска техника диспензирана настава Велес каде се запишаа 54  редовни студенти во прва година.

 На Земјоделски факултет диспензирани студии по винарство и лозарство во Велес откако  во првиот уписен рок  се пријавил само еден и не беше примен, не се распиша втор уписен рок. Останува загатка, зошто  завршените средношколци велешани немаат интерес за ова наставна програма, оти и лани за неа  никој не беше пријавен.

Третиот упис  за прва година таму каде има слободни места е на 17 септември. Годинава има во Велес дури за 270 места помалку отколку лани за упис на бруцошите, но и овие 420 тешко се пополнуваат.