Петар Печков

Објавено: среда, 02 март 2022 372 52

Изминатите 24 часа во велешко  25 нови случаи  на лица со корона вирусот   а   оздравени се 34 пациенти, соопштија од Министерството за здравство.  Бројот на активни случаи во велешко  се симна на  136. Со оваа бројка  Велес и натаму е на петтото место според бројот на активни случаи во земјава, по  Скопје, Битола, Прилеп и Куманово. 

Во велешка Болница починала пациентка на 75 годишна возраст, позитивна ка ковид-19. Таа е 309-та жртва на корона вирусот во велешко. 

Во двете ковид одделенија од велешка Болница згрижени  се 22 пациенти, тројца помалку  од   вчера . Hа Инфективно  се хоспитализирани  18, на  Интерно  четворица. Нема ново примени  а испишани се двајца пациенти. 

„Потврдено позитивни се 14, непотврдени  се двајца  и негативни се шестмина  пациенти но со потреба од болничка нега. На кислородна поддршка се девет лица“ - кажа д-р Елена Левкова Ќулумова, портпарол на Општа Болница Велес.