Петар Печков

Објавено: недела, 24 октомври 2021 4420 102

Ново разбојништво во Велес, второ за две седмици. Откако на 12-ти октомври беше ограбен маркет на Којник, кој пред една година исто така беше ограбен со вооружена закана кон вработената, во саботата вечер, тоа се случило на нова локација, на  маркет на кривините кон Којник.

„На 23-ти октомври  околу 21.00 часот во СВР Велес било пријавено дека во маркет на ул. „Благој Ѓорев“ во Велес едно лице со закана од вработената одзело пари од дневниот промет“ -соопштија од МВР.

Од полицијата додаваат дека преземаат мерки за расчистување на случајот.  Иако соседите зборуваат дека разбојништвото било извршено со закана од пиштол, МВР не кажува дали бил користен како закана кон вработените.