Петар Печков

Објавено: петок, 12 јуни 2020 468 170

Основното јавно обвинителство во Велес до Основен суд Велес поднесе предлози за издавање казнени налози за вкупно девет лица кои го сториле кривичното дело „Непостапување според здравствените прописи за време на епидемија“. 

Велешкото обвинителство поднело  неделава во два наврати, денес  четири  и во средата  пет предлози за издавање казнен налог.  

Обвинителството на Судот му предложило  на обвинетите за стореното кривично дело да им изрече парични казни во висина од 40 дневни глоби во износ од по 20 евра, односно вкупно по 800 евра во денарска противвредност.

Обвинетите биле затекнати од  полициски службеници како се движат пеш или со автомобил по улиците низ градот додека во сила била Одлуката за забрана и посебен режим за движење на територијата  на државата - пишува во соопштението на ОЈО Велес.