Петар Печков

Објавено: понеделник, 17 октомври 2022 3092 20

Обид за разбојништво во продавница на улицата кон Св. Спас. Продавачката дала отпор па разбојниците побегнале. МВР со детали за настанот, кој се случил саботата вечер.

„На 15 октомври околу 20.30 часот во СВР Велес било пријавено дека во продажен објект на ул. „Прохор Пчински“ во Велес, две лица физички ја нападнале и со закана со остар предмет се обиделе да одземат пари од дневниот промет, но не успеале“ - соопштија од МВР.

Полицијата  презема мерки за расчистување на случајот.

Оваа пролет во стариот дел на градот, имаше бројни кражби и разбојништва, поради што жителите бараа од полицијата да ги открие сторителите и да го врати мирот и спокојството во овој дел на Велес.