Петар Печков

Објавено: недела, 20 јуни 2021 4128 77

Овчар од село Горно Караслари смртно настрада од гром, по невремето кое вчера на пладне зафати дел од велешко.  Настраданиот  Б. Н. (38 год) ги напасувал стадото овци во околината на селото, кога смртно настрадал од удар на гром.

„Околу 13,40 ч. добиен е повик за лице кое било удрено од гром. Екипа на Итна помош била на лице место и констатирала смрт“ - кажа д-р Василка Пановска, началник на служба за Итна помош од Велес.  

Вчера попладне околу 19ч. оваа служба добила повик за интервенција на  лице кое паднало од дрво, додека берело цреши. На Д.Н. (36 год) му била дадена прва помош, се жалело на болки од левата страна на градниот кош и било пренесено на ортопедија.

„Примен е пациент, кај кого е констатирана сериска фрактура на ребрата од левата страна. Лицето беше задржано  изминатата ноќ на опсервација“ - изјави д-р Елеонора Јованова, портпарол на Болница Велес.