Петар Печков

Објавено: сабота, 11 април 2020 6274 156

Славчо Јованов од Велес, кај велешани познат како Скобалот,  бил  обезбеден со храна од страна на  Центарот за социјална работа од Велес. Од таму информираа дека тој било на листата на лица за кои е обезбеден дневен оброк и редовно го добивал. Ова доаѓа откако по социјалните мрежи беше споделено видео дека Јованов гладувал неколку дена.

Славчо Јованов  е наш корисник на дневен оброк.  Тој добива храна во периодот когае во Велес оти претходно имаше периоди кога беше згрижен во здравствена институција надвор од градот. За добивање на друга услуга, материјална помош и нега не ги исполнува условите, оти е материјално обезбеден, има станбен простор, блиски роднини - изјавија од Центарот за социјални грижи во Велес.  

Пред еден месец велешката полиција информираше дека Славчо Јованов бил избеган од здравствена институција, и се криел во неговиот стан на улица Петре Прличко, поради што мораше таа да интервенира, пожарникари влегоа преку тераса во неговиот дом, по што беше вратен во институцијата, каде се лекувал и бил згрижен.