Петар Печков

Објавено: вторник, 31 август 2021 3175 119

Вчера попладне, понеделник, почина пациент на 35 годишна возраст од Велес, позитивен и невакциниран, лекуван седум  дена на Инфективно одделение. Тој е 182 жртва од последиците на корона вирусот.

„Вкупно се хоспитализирани 44 пациенти,  од кои  34 се потврдени позитивни,девет сомнителни  и еден пациент со негативен тест но задржан на болничко лекување. На кислородна поддршка се 25 пациенти. Испишани се шест  пациенти како оздравени со по еден негативен тест“ - изјави д-р Елеонора Јованова , портпарол на велешка Болница.

На Инфективно одделение се згрижени  39 а на Интерно пет лица. Освен од Велес и Велешко има пациенти згрижени на ова одделение од Свети Николе, Кавадарци и Радовиш.

Изминатите 24 часа во велешко се регистрирани 11 нови случаи на лица позитивни на ковид-19 а оздравени се четворица. Или активни се 220 случи со корона вирус во велешко.