Петар Печков

Објавено: петок, 28 јули 2023 170 23

Двата „ер трактор“ авиони за гаснење на пожари на отворени се вратија во Македонија.  Така сега  сите три сега се подготвени и во можност, по потреба да интервенираат.

„Вчера, четврток се врати едниот од  двата авиони кој беше  на сервис а денес доколку пладне слета и вториот. Со тоа сите три се сервисирани и подготвени за интервенција“ - информираа од Дирекцијата за заштита и спасување ( ДСЗ).  

Двата авиони „ер трактор“ беа во Хрватска на  поправка . Од ДЗС велат дека се подготвени за летото и потенцијалната опасност од пожари, а формирани се и дежурни екипи.

Според Центарот за управување со кризи (ЦУК)  изминатото деноноќие во Македонија  имало 19 пожари, сите на отворено и сите до доцна вечерта  биле локализирани. Утрово немало  активен пожар.