Петар Печков

Објавено: недела, 01 ноември 2020 397 121

Со победа против екипата на ОК Весна, одбојкарите на ГОК Борец се враќаат од Пробиштип. Во рамките на четвртото коло, тие вчера славеа на ова значајно гостување,    а со оваа победа најавуваат дека имаат екипа за четвртото место и пласнам во разигрувањето.  

Домаќините досега имаа една победа а велешани две, и со оваа радост, ги исклучија домаќините од борбата за висок пласман. Решавачки бил третиот  сет,  ГОК Борец  го добил на разлика, поведе со 2:1 а четвртиот го добил со сигурни десет поени разлика за славје на велешкиот состав.

По ова некомплетно коло ГОК Борец е четврти со три победи и еден пораз. Во следните две кола тешко искушение за   велешани, дома играат со екипата на  ОК Струмица а потоа гостуваат во Тетово на ОК Шкендија, состави  кои немаат пораз и по три победи.

Затоа пак двата натпревари кои ГОК Борец ги игра дома, во салта „Гемиџии“ се решавачки за пласманот во првите четири екипи.  Ги пречекуваат ОК Вардар и ОК Универзитет Гоце Делчев, состави кои исто така се борат за пласман во разигрувањето.

Оваа седмица не се играат натпревари во фудбал и ракомет во рамките на националните првенства.

фото  ФБ ГОК Борец