Петар Печков

Објавено: вторник, 11 април 2023 295 14

Одбојкарите на ГОК Борец во тај брек, го решија прашањето за победник во втората средба од полуфиналето на разигрувањето за првак на Македонија. 

Тие со 3:2(13:25, 25:22, 25:23, 17:25, 15:12) славеа над ОК Шкендија и обезбедија трет натпревар, кој в четврток ќе се игра во Тетово. Тетовци го добија сигурно вториот сет, велешани вратија со иста мерка во вториот додека во третиот се играше поен за поен за радост на ГОК Борец. Гостите сигурни во четвртиот а во решавачкиот петитот домаќините со сигурна игра до 15 поена, кои значеа победа. Со ова полуфиналето помеѓу овие две екипи е израмнето 1:1 и ќе решава третиот натпревар, кој се игра во Тетово. Во 6 досегашни средни на овие два противника,  сезона 2022/23 резултатот е израмнет 3:3.  

По завршувањето на натпреварот имало инцидент за кој информираа од СВР Велес

„На 10 април  во СВР Велес било пријавено дека околу 21.10 часот во спортската сала „Гемиџии“ во Велес, по одигрување на одбојкарскиот натпревар помеѓу екипите на ГОК Борец од Велес и ОК Шкендија од Тетово, бил нарушен јавниот ред и мир, при што дел од играчите на гостинската екипа и дел од присутните во публиката фрлале едни кон други со разни предмети. Притоа, со повреди се здобиле еден полициски службеник и еден играч на ОК Шкендија. Се работи на расчистување на случајот, по што ќе бидат поднесени соодветни пријави“- соопшти Ристе Самарџиев, портпарол на СВР Велес.