Петар Печков

Објавено: четврток, 15 септември 2016 1604 268

По пат на електронско наддавање Општина Велес ги продава преостанати 13  плаца, од населбата лоцирана покрај езеро Младост.  Почетната цена е 283 ден за м2 со површина на градежна парцела  која се движи  од 586 м2   до 1.059 м2. катност а е П+1.

Отуѓување на градежно земјиште сопственост на Република Македонија по пат на електронско јавно наддавање во Општина Велес. Предмет на електронското јавно наддавање е градежно неизградено земјиште, сопственост на Република Македонија.

Право на учество на јавното наддавање имаат физички и правни лица, државјани на Македонија и странци. Пријавите за учество на електронското јавно се доставуваат до 26 септември годинава.  

Наддавањето се врши “чекорно” со зголемување на вредноста со секој “чекор” не помалку од 30,00 денари. Учесникот на јавното наддавање кој понудил најголема цена се стекнува со статусот најповолен понудувач.

Во цената на градежното земјиште не е вклучен надоместокот за уредување на градежното земјиште.  Продажбата е закажана за 28 септември.  Досега се продадени 30 парцели на истата локација.