Петар Печков

Објавено: вторник, 30 март 2021 3892 163

Оризарци со сопствени средства извршија проширување на патот, на влезот во населбата.  Се прошири патот од железничкиот премин, се до влезот во населбата, кој беше тесно грло.

„Се изврши проширување на главниот пат за Оризари. Парите сами ги собравме од граѓаните а повеќето се од сонародниците  кои што живеат во Австрија. Тие секоја година организираат Оризарска хуманитарна вечер, каде што се донираат средства и се инвестираат во инфраструктурата каде што е приоритет“ - изјавија од иницијативниот одбор.

Асфалтирани  се 450 квадратни метри проширување на пат, комплет ископ,бетонски работи и асфалтирање, вградени се 300 метри ивичњаци, изграден е бетонски ѕид во должина од 60 метри висина еден метар. Проектот и изведбата вредат  15.750 евра.