Петар Печков

Објавено: петок, 15 август 2014 566 259

 Во Ликовниот салон во Велес, синоќа беше отворена изложба на фотографии изработени од браќата Манаки насловена „Манаки фотографии одблиску“.

Изложбата, која ја подготви м-р Роберт Јанкулоски е во рамките на проектот „Кич Да? Сте или не“, кој заедно веќе седма година го подготвуваат Дирекцијата за култура и уметност на Скопје и Министерството за култура.

Во Велес се претставени 30 фотографии - дела на браќата Манаки од крајот на 19 и почетокот на 20 век во повеќе македонски градови. Фотографиите се изработени од оригиналните стаклени плочи во дисперзираната лабараторија на Македонскиот центар за фотографија, а отстапени од Државниот архив на Македонија-подрачно одделение Битола, изјави  Нате Кицкаровска од Дирекцијата за култура и уметност на Скопје.

Целта на овој проект, кој се реализира веќе седма година е презентација и промоција на ликовната уметност и доближување на публиката до врвните имиња не само од македонската туку и од светската ликовна уметност, рече Кицкаровска.