Петар Печков

Објавено: четврток, 19 април 2018 3594 241

Има заинтересирани за Офицерскиот дом  од Велес.  И тоа повторно да биде ресторан. За ова информираше градоначалникот Аце Коцевски. На последната седница дури беше подготвена и точка, која по итна постапка требаше да биде ставена на гласање, но  бргу беше повлечена. 

По укажувањето на советникот, членот на Советот  Драган Димевски дека објектот е добиен на користење а не во сопственост, засега, остана само како желба поранешниот Дом на АРМ  да се изнајми. 

По ова Коцевски најави дека од Владата ќе бараат најитно тој да се добие во сопственост, по што би го изнајмувале на јавен повик,  за угостителски објект. Ако е можно уште летово.