Петар Печков
Објавено: сабота, 08 април 2023
Жителите на три велешки села, поради штрајкот на железницата, осум дена се отсечени од светот. До селата С`лп, Карабуниште и Лавчани, има земјен пат, кој со години е во очајна состојба, па на селаните единствена врска со светот им е железницата, преку железничка станица Рајко Жинзифов и стојалиштето Пчиња. Тие побарале помош, по што волонтери од велешкиот Црвен Крст им дистрибуирале храна.
„Во текот на вчерашниот ден, предадени беа 16 пакети со основни прехранбени производи. Од нив 14 за село С'лп и по еден за Карабуниште и Лавчани“ - кажа Орце Николов, секретар на ОО на Црен крст Велес.
Делницата од 15 километри во еден правец од Велес до селата, со возило на противпожарната единица, ја минале за 90 минути, поради очајно лошиот терен. Хуманитарна мисија на Црвен крст била помогната од Општина Велес.
| Tweet |
