Петар Печков

Објавено: вторник, 29 декември 2015 803 244

Во вторникот наутро,  воз удри во карпа  на железничката пруга  Велес - Богомила. Сообраќајот беше во прекин 5,5 часа а повредени нема.  Според СВР Велес  инцидентот се случил   на железничката линија помеѓу  селата Согле и  Теово во 4,45  часот, кога патничкиот  воз кој сообраќал на линија од Битола до Скопје, удрил во  карпа  која била падната на пругата.  

Во сообраќајната незгода повредени нема,  а констатирана е материјална штета на моторниот воз популарно наречен ,,шпанец,, но и  оштетувања на пругата.   Веднаш на лице место излегле вработени од Македонски железници, кои  рачно  ја искршиле карпата и сообраќајот беше повторно  воспоставен во 10.15ч.  

Во ноември месец дена беше во  прекин железничкиот сообраќај откако карпа падна на делницата  на станиците од Мартолци до Стари  Град.