Петар Печков

Објавено: среда, 10 јуни 2026 858 6

Утрово петмината ултра маратонците  ја започнаа трката од Велес до Лопушник, местото на погибјето на Коста Солев Рацин. Утрово Зоран Димов, Трајче Михов, Верољуб Додевски заедно со кумановецот Љубиша Андреиќ и скопјанецот Томе Спасовски,  треба да истрчаат 160 км за четири дена или според планот по маршрутата по 40 км на ден.

Oвој настан се организира по петти пат. Вечерва учесниците треба да преноќат во Стровија, втората вечер е во Македонски Брод а третата во околината на Кичево, во Кнежино. Тие на Лопушник треба да стигнат сабота претпладне на 13 јуни, денот кога Рацин е застрелан. Овој ултра маратон  е една до содржините на градот Велес,  со кој се одбележува 83 од смртта на поетот и револуционер Рацин.