Петар Печков
Објавено: четврток, 20 јули 2023
Околу пладне автомобил со германски регистарски таблички излетал од автопат, близу бензинската пумпа кај Неготино. Едно лице сопатничка смртно настрадала, две деца минале со полесни повреди.
„Денеска 20 јули во 11.20 часот во ОВР Неготино било пријавено дека на автопатот Неготино- Демир Капија, М.А.(36 год) од Сојузна Република Германија, управувајќи патничко возило „бмв“ со германски национални ознаки, изгубил контрола над возилото и излетал од патот. Во несреќата, од здобиените повреди на местото починала сопатничката С.А.(62 год) од Сојузна Република Германија, а смрт констатирал лекар од Итна медицинска помош“- соопшти Ристе Самарџиев, портпарол на СВР Велес.
Со телесни повреди се здобиле двајца малолетни сопатници, констатирани во болницата во Кавадарци. Увид на местото на настанот извршиле јавен обвинител и увидна екипа од ОВР Неготино.
фото илустрација
| Tweet |
