Петар Печков

Објавено: четврток, 30 септември 2010 1730 345

На насловната страница на првото македонско издание на „Плејбој“ е поп-пејачката Каролина Гочева. Македонскиот „Плејбој“  излегува како месечник, лајф-магазин со многу интересни содржини ставени на над 120 страници во боја, во тираж од неколку илјади примероци, а  чини 250 денари.

Во првиот број читателите  имаат можност да прочитаат интервју со фудбалската ѕвезда Горан Пандев.

Македонското издание го издава компанијата „Оис магазини“, која има купено лиценцата од издавачката куќа „Плејбој Америка“, а главен и одговорен уредник е Билјана Зафирова. Во следните броеви на магазинот ќе се најдат и други девојки од нашата земја.

Легендарната Мерлин Монро во првото издание на „Плејбој“ се појави на насловната страница и го направи првиот запис на познати ѕвезди што се фотографирале за списанието.

„Плејбој“ е американско списание што излегува во Чикаго, Илиноис. Во декември 1953 година Хју Хефнер, заедно со своите соработници, почнувајќи со минимална инвестиција добиена како заем, го реализира својот животен проект и се запишаа во светската издавачка историја.