Петар Печков

Објавено: среда, 09 декември 2020 252 118

Вчера, вторнично, празнично натпревар од седмото коло играше футсал екипата на КМФ Кеги моби. Гостуваше во Валандово, каде загуби со 10:4 (4:0) од екипата на  КМФ Проект од Јосифово. Втората велешка екипа КМФ Велес гостува кај шампионот КМФ Шкупи, во Чаир, средбата се игра утре, четврток.   

Вчера се одигра вонредното 11-то коло од Третата фудбалска лига Југ. Трите екипи од подрачјето на ОФС Велес забележаа победа и пораз, како и еден неодигран натпревар. 

По  разочарувачкиот реми на домашен терен во саботата, ФК Локомотива од Градско победи во дербито со соседот на табелата ФК Обршани како гостин со 3:5, во натпревар со многу голови и возбудувања.  ФК Превалец требаше да игра против  ФК Дојранско езеро, но гостите поради повеќе играчи позитивни на ковид-19 дел и во изолација не допатуваа.  ФК Илинден и натаму е лесен залак за противниците, загуби дома со 1:5 од лидерот ФК Ново Црнилиште и  го забележа осмиот пораз.  

По ова коло ФК Локомотива од Градско е трета со 22 бода, ФК Превалец е  четврти со 18 бода а ФК Илинден БС е претпоследен, 15-ти со четири бода.

Викендот се игра 12-тото коло. ФК Локомотива игра дома во Градско со ФК Големо Коњари од истоименото прилепско село која има само шест бода и е 14-та,ФК Илинден повторно е домаќин во Башино село овој пат на ФК Вардар од Неготино, кој е седми со 17 бода  а  ФК Превалец гостува во Удово на екипата на ФК Младост  која е деветта со 14 бода.