Петар Печков
Објавено: понеделник, 09 октомври 2023
Победи за двете екипи од ОФС Велес, кои настапуваат во Третата фудбалска лига Југ. ФК Превалец славеше дома со 3:2 (2:2) над екипата на ФК Големо Коњари од истоименото прилепско село. ФК Локомотива од Градско славеше во прилепско Лажани над екипата на ФК Слога со 1:2 (0:1). ФК Борец беше слободен. Во следното коло, следниот викенд ФК Превалец гостува во Кривогаштани, прилепско кај екипата на ФК Младост , ФК Борец игра дома со ФК Питу Гули од Крушево, а во Градско, соседско дерби, ФК Локомотива игра дома со екипата на ФК Росоман.
Женската екипа на ЖФК Борец загуби дома со 0:6 против ЖФК Кочани и по двата добри резултати на стартот од Вторат лига, следните два натпревари беа убедливо поразени. По четири одиграни натпревари екипата на ЖФК Борец е петта од осум екипи, со 4 освоени бода.
Започнаа натпреварите од Првата футсал лига. КМФ Кеги моби загуби од КМФ Железарец со 5:4 (4:0). Во следното велешани играат со КФМ Карадаку од Липково.
фото ФБ/ФК Превалец
| Tweet |
