Петар Печков

Објавено: понеделник, 26 февруари 2024 87 10

Продолжува победничката серија за одбојкарите на ГОК Борец кои дома со 3:1  (25:19, 25:19, 23:25, 25:18)  го совладаа тимот на ОК Сушево. Овие две екипи се соседи на табелата, во разигрувањето за опстанок, но по оваа победа велешани побегнаа со 7 победи и 8 пораза а струмичани имаат пет победи и 10 порази. Во последното коло гостуваат во Скопје на ОК Јанта волеј кој има три победи и 12 порази.

Во натпревар од 12 коло на Првата футсал лига, во Скопје екипата на КМФ Кеги моби одигра нерешено 5:5 со КМФ Бутел. Ова  е прв нерешен резултат за велешани со четири победи и седум пораза и вкупно  13 бода. Во следното коло во Велес гостува екипата на КМФ Форца.


Кошаркарите на КК Борец баскет победија со 66:62а против екипата на МЗ Скопје Уни бамка,а вториот состав на скопски МЗТ. Во израмнет натпревар против четврто пласираниот тим на табелата, велешани стигаа до победа значајна за пласман меѓу првите осум. По ова  16 коло КК Борец баскет е 6-ти со 24 бода. Следното коло гостува на КК Мега баскет , екипа која има 22 бода и е осма.
 
Од следниот викенд започнуваат и натпреварите на ракометарите, разигрување за пласман во Супер лигата - КК Бисинов и за опстанок  МРК Борец.

фото ФБ/ КК Борец баскет