Петар Печков

Објавено: вторник, 01 февруари 2022 565 58

Изминатите 24 часа во велешко има регистрирано повторно висок број на оздравени пациенти позитивни со ковид-19. Бројката е 114 додека нови случаи се 58. Тоа се податоците кои ги објави Министерството за здравство. Бројот на активни случаи се симна на   317.

Вкупно хоспитализирани во трите  ковид одделенија од велешка Болница  се 73 пациенти, шест повеќе од вчера, на Инфективно 55,  на Интерно 13  и Физикално петмина.  Потврдено позитивни се 46, непотврден  се деветмина и  негативни, но со потреба од болничка нега се 18. Има починато и еден пациент, жена  од Свети Николе на 63 годишна возраст.

„Ново примени се петмина пациенти, тројца од нив се трансферирани од Интерно  а испишан е еден со еден негативен тест. На кислородна поддршка се 24 пациенти“ - кажа д-р Елена Левкова Ќулумова, портпарол на Општа Болница Велес.

Згрижени во трите одделенија, освен од Велес и велешко, има и од Свети Николе и Овчеполието.