Петар Печков

Објавено: петок, 28 јануари 2022 1589 71

Во двете ковид одделенија од велешка Болница, изминатите 24 часа  регистрирани се четири смртни случаи.
„Двајца од починати се од Свети Николе  жена на 53 години и маж на 79 кој починал непосредно по приемот. Починати се и две лица од Велес, двајцата се мажи на 69 и 74 години“ - кажа д-р Елена Левкова Ќулумова, портпарол ан Општа Болница Велес. Со ова бројот на починати во велешко од последиците на корона вирусот достигна до 296 лица.

Во текот на изминатите 24 часа  регистриран се   62  нови случаи на позитивни на ковид-19 од велешко, оздравени се девет  пациенти. Или бројот на активни случаи се искачи на 472.

Вкупно хоспитализирани во двете  ковид одделенија од велешка Болница  се 76 пациенти, на Инфективно 59 и на Интерно 17.  Потврдено позитивни се 60, непотврден  се 11  и четворица  се негативни, но со потреба од болничка нега. Ново примени се шест пациенти, а испишани се двајца со по еден негативен тест. Слободни кревети на Инфективно имало четири.

Згрижени во дветет одделенија, освен од Велес и велешко, има и од Свети Николе и Овчеполието.