Петар Печков

Објавено: понеделник, 21 април 2025 2461 59

Вчера во 2 часот по полноќ полицијата од Кавадарци го уапсила 25-годишниот В.С. од Росоман на улица „Страшо Пинџур“ во Кавадарци. Имено тој со неговото возило „мерцедес“ со кавадаречки регистарски ознаки, излетал од коловозот и удрил во бандера, а по преземени мерки било констатирано дека е под дејство на алкохол, односно дека има 1,59 промили алкохол во крвта, по што веднаш бил исклучен од сообраќај и задржан во полициска станица Кавадарци.

„По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“ - соопшти МВР.

Информацијата дека  лицето е полициски службеник,   ја потврдиле и од СВР Велес.

„Лишеното лице В.С. е полициски службеник кој не бил на должност. И за него како и за сите други важат законските правила и прописи“ информиpаат  од СВР Велес.