Петар Печков

Објавено: понеделник, 13 септември 2021 3894 95

Полициско возило вчера утро, недела, удрило пешак, кој се здобил со тешки телесни повреди. За инцидентот, кој се случил во улицата пред полициската станица на СВ Велес,  информираа од МВР.

На 12-ти септември во 07.50 часот во СВР Велес било пријавено дека на ул. „Панко Брашнаров“ во Велес, патничко возило „Шкода јети“, сопственост на МВР, управувано од полициски службеник В.А.(25) од Велес, удрило во пешакот Д.Т.(75) од Велес“ - соопштија од МВР.

Увид на местото на настанот извршила екипа од СВР Велес.

Пациентот имал повреда на лумбален пршлен и бил задржан во Болница на опсервација.