Петар Печков

Објавено: среда, 21 мај 2014 4737 296

Во судир на два автомобили  ауди и лада, повредени се три лица а автомобилите уништени. До несреќата според МВР дошло пред полноќ во 23,45 часот во близина на  станбениот комплекс УЗУС кога се судриле двете возила, како што велат поради не држење  на страна. 

Возилото ауди го управувал Б.Н ( 47 год) додека ладата Н.Ј. ( 25 год) а  на совозачкото предно седиште бил  М.В ( 24 год). Сите три лица биле веднаш пренесени во велешката болница. Според докторите двете млади лица имале повреди на главата, тие се вон животна опасност и се задржани на лекување, додека Б.Н. по негово барање е пуштен дома со полесни повреди. 

Соседите од блиските згради раскажуваат дека слушнале силен удар  а кога излегле на терасите ги виделе двата автомобили како се среде улица.  Истражните екипи работат на расчистување на сообраќајката и причините поради која дошла до неа.