Петар Печков
Објавено: недела, 24 септември 2017
Тројцата кандидати за градоначалник на Општина Велес денес напладне го потпишаа документот за фер и демократски избори.
Гоце Чушков од Народната партија за Македонија, Славчо Чадиев од коалицијата предводена од ВМРО-ДПМНЕ и Аце Коцевски од коалиција предводена од СДСМ ставија потпис на овој документ .
Со него учесниците во локалните избори се обврзаа дека ќе се придржуваат и активно ќе ги промовираат принципите на слободни и фер избори.
Со овој чин кандидати јасно ставија до знаење дека ќе го почитуваат избирачкото право кое е еднакво, општо и непосредно и се остварува на слободни избори со тајно гласање. Со потпишувањето на Кодексот, заедно ќе придонесеме за спроведување на фер и демократски избори според највисоки меѓународни стандарди - рече Лили Велковска претседател на Општинска Изборна комисија.
На чинот на потпишувањето присуствуваа и двајцата претставници на ОБСЕ (еден Американец еден Ирец) кои ќе ги следат изборите во Велес и соседните општини.
| Tweet |
