Петар Печков

Објавено: сабота, 22 април 2017 836 327

Со штанд поставен на влезот во Младинскиот парк, од улицата Благој Ѓорев, учениците од Основното училиште Блаже Конески ги потсетија сограѓаните дека денес 22 април е Светскиот ден на  планетата Земја. Тие зачудени, повеќето не  знаеја дека оваа сабота се oдбележува   вакoв еколошки момент.

Сакаме да ја подигнеме  свеста кај граѓаните на Велес и секој ден да се слави ден на Планетата Земја. Тоа значи да ја чуваат, пазат, да не  ја загадуваат и да се однесуваат за нешто што е нешто свето. Оти тука живееме сите ние и така  го загадуваме сопственото здравје- рече Ангела Попчева ученичка во 9-то одделение во ОУ Блаже Конески.   

На минувачите им делеа флаери, како и пораки со кои потсетуваат на секојдневните обврски за чување на еко системот.    Во училиштето се цртаа ѕидовите, паноа со еколошки пораки а се изведе и акција нa собирање на пет амбалажа и стара хартија. 

Првпат Светскиот ден на планетата Земја е одбележан на 22 април 1970-та година во САД, а од 1992 година и во целиот свет. Денес го одбележуваат повеќе од 175 држави.

Целта на одбележувањето на „Денот на планетата Земја“ е да се подигне нивото на свесност кај нејзините жители за зачувување на животната средина, односно да укаже на загадувањето на воздухот и водата, радиоактивното зрачење, исцрпувањето на ненадоместливите енергенси и слично.