Петар Печков

Објавено: четврток, 23 јуни 2022 311 72

Во просториите Општинска организација на Црвен крст  Велес се одржа првата од предвидени три работилници за превенција на дијабетесот кај постара популација. На работилницата присуствуваа лица на возраст над 60 години.

„Целта е преку презентација и предавање од лекар, возрасната популација да се информира за дијабетесот, да ја запознаат болеста подобро, нејзините симптоми, последици и превенција, а потоа и практично да се делува доколку има таква потреба“- соопшти д-р Кевица Шопова Клифова, која го одржа предавањето.

На работилниците се изврши мерење на нивото на шеќер во крвта кај присутните и се пополнуваа анкетни прашалници кои  се однесуваа на видот и начинот на исхрана.

Претставниците од Здружението на дијабетичари од Велес  го извршија бесплатното мерење на шеќер  во крвта, кај сите присутни.