Петар Печков

Објавено: четврток, 03 декември 2015 753 264

Од 10,30 до 12,30 часот  дел од судската администрација одржа предупредувачки протест пред зграда на Основен суд Велес.

Дактилографите, стручните соработници, административците не работеа. Ова е нивна реакција  по Законот за судска служба, кој е донесен   во февруари годинава и како што нагласуваат, крајно е штетен и демотивирачки за вработените во судската служба.

 И додека дел од администрација протестираше, дел од нив беа во судниците.  Нагласија  дека работата по судските предмети се одвива непречено, и службениците кои се ангажирани на одредени дела, останале во  судниците во периодот, додека трае протестот.  

Штрајкот е во организација на Здружението на судската администрација и Синдикатот на работниците од управата, правосудните органи и здруженија на граѓани (УПОЗ).