Петар Печков

Објавено: понеделник, 06 април 2020 2068 163

Преку викенд велешани во поголем број не го почитуваат полицискиот час. Ова го покажуваат бројките кој ги достави на јавноста,  портпаролот  на СВР Велес, Верољуб Додевски. Така во петокот кон саботата имало четири регистрирани случаи, во саботата кон неделата десет а вчера попладне и вечер немало ниту еден. Или  вкупно тоа се 14 лица. За потсетување минатиот викенд бројката изнесуваше 20 лица. 

Заклучно со вчера во велешко биле во самоизолација  22 лица, во петокот 38, додека минатиот понеделник 122. И додека бројките кои МВР ги пласира и покажуваат намалување на бројот на лица во велешко во самоизолација, расте бројот на заразени од ковид -19. За изминатите четири дена, од петокот до вчера во Велес има нови  четири случаи на болни со корона вирусот.