Петар Печков

Објавено: петок, 28 февруари 2025 340 10

Јавен обвинител од ОЈО Свети Николе привршува со истрагата за смртта на еден работник и тешки повреди на втор работник, на свињарска фарма во селото Амзибегово.

Настанот се случи на  8 јануари 2024 година, лани, кога едно лице –работник почина а другото беше тешко повредено, при труење во свињарска фарма.  

„Основното јавно обвинителство Свети Николе е во завршна фаза со преземањето на истражни дејствија, по што ќе биде донесена јавнообвинителска одлука“ соопштија од обвинителството.

Државниот инспекторат за труд, при увид на местото на несреќата, констатирал неправилности и не биле превземени  соодветни мерки во согласност со прописите за безбедност и здравје при работа.