Петар Печков
Објавено: понеделник, 25 декември 2023
Јавен обвинител од Основното јавно обвинителство Велес поведе постапка против лицето И.Ш. (67 год) од велешко село, кој се сомничи за кривично дело – Загрозување на сигурноста според член 144 став 3 во врска со ставовите 1 и 2 од Кривичниот законик. Настанот се случил на 22 декември околу 23ч. во велешко село.
„Осомничениот ја загрозил сигурноста на сопствениот син Н.Ш. (42 год), заканувајќи му се дека ќе го убие и него и целото негово семејство. Синот, кој инаку живеел во Швајцарија, се вратил во велешко село заедно со семејството. Меѓутоа, таткото му забележал затоа што тој и неговиот брат ја примиле да живее во странство мајката, која се пожалила дека трпи насилство во домот. Жената во моментов била кај другиот син во Данска, а осомничениот со закани по живот инсистирал да ја вратат дома“- информираа од ОЈО Велес..
Надлежниот јавен обвинител до судијата на претходна постапка од Основниот суд во Велес достави предлог за определување мерка притвор. Судот го прифатил предлогот и определи притвор во траење од 8 дена.
| Tweet |
